छुट्टाछुट्टै दुर्घटनामा ५ जना घाइते

आँबुखैरेनी / तनहुँको आँबुखैरेनीमा छुट्टाछुट्टै दुई सवारी दुर्घटनामा परी ५ जना घाइते भएका छन् । आँबुखैरेनी गाउँपालिका ४ ऐनापहरामा मंगलबार दिउँसो २ बजेतिर आँबुखैरेनीबाट मुग्लीनतर्फ जाँदै गरेको प्रदेश न.३ ०१ ००२ ज ५९९१ नम्बरको कार र मुग्लिनबाट आँबुखैरेनीतर्फ आईरहेको बा.५च ५२३० नंम्बरको कार ठोकिंदा चार जना घाइते भएका छन् ।
घाइतेहरु सबै सुर्खेत गौरीगंगा गाउँपालिकाका छन् । उनीहरुको अवस्था मध्यम रहेको प्रहरीको भनाई छ । उनीहरुको नयाँ मेडिकल कलेज भरतपुरमा उपचार भैरहेको प्रहरीले जनाएको छ । यसैगरी, आँबुखैरेनी गाउँपालिका २ ढापटारस्थित पृथ्वी राजमार्गमा आँबुखैरेनीबाट डुम्रेतर्फ जाँदै गरेको ग१०प ५६२५ नंम्बरको मोटरसाईकलले ठक्कर दिंदा मागेर खाँदै आएका एक वृद्ध घाइते भएका छन् ।
करिब ६० वर्षका पदमबहादुर राना घाइते भएकाले उनको चितवन मेडिकल कलेज भरतपुरमा उपचार भैरहेको र अवस्था मध्यम रहेको प्रहरीको भनाइ छ ।