‘मिस्टर एण्ड मिस प्रोफिसिन’ बने निशान र आयुष्मा

चितवन / कसमस इभेन्टस्को आयोजनामा ‘मिस्टर एण्ड मिस प्रोफिसिन’ कार्यक्रम प्यानोरिमा गार्डेन रिसोर्ट टाइगरचोकमा सम्पन्न भएको छ । उक्त कार्यक्रममा निशान खड्का र आयुस्मा सापकोटा विजयी भएको कसमस इभेन्टसका संचालक रेजु श्रेष्ठले जानकारी दिइन् ।
संचालक श्रेष्ठका अनुसार फष्ट रनर अपमा समिर तामाङ र सरिना परियार भए भने सेकेण्ड रनर अपमा निश्चित रिजाल र सरिस्मा तामाङ भए । यसैगरी अर्गनाइजर च्वाइसमा सरोज तामाङ र सुमिना बस्नेत तथा भ्युअर च्वाइसमा कुन्दन श्रेष्ठ र रक्षा दराई भए ।
कार्यक्रमका बिजेताले २०-२० हजार नगद प्राप्त गरेका थिए । त्यस्तै फष्ट रनर अपको म्यूजिक भिडियोमा अभिनय रहने, सेकेण्ड रनर अपको सर्टभूमि र सिरिजमा अभिनय रहने संचालक श्रेष्ठले बताए ।
कार्यक्रममा २५ जना जोडीहरुको सहभागिता थियो भने श्रेष्ठ २०१८ का ‘फेस अफ चितवन’का विजेता पनि हुन् ।