May 20, 2024

‘स्वास्थ्य अवस्था सुधार भइरहेको छ’

November 7, 2020

चितवन / चर्चित हास्यव्यङ्ग्य कलाकार मनोज गजुरेलको स्वास्थ्यमा सुधार आएको बताएको छ । कोरोना पोजिटिभ भएपछि गजुरेललाई बलम्बुस्थित सशस्त्र प्रहरी बलको अस्पतालमा भर्ना गरिएको हो । होम आइसोलेसनमा बसिरहेका बेला स्वास्थ्य अवस्था गम्भीर बनेपछि बुधबार उनलाई अस्पताल लगिएको थियो ।
उनको स्वासप्रश्वासमा समस्या आएपछि आईसीयूमा राखेर उपचार थालिएको थियो । अस्पतालमा स्वास्थ्य लाभ गरिरहेका मनोजले हिजोभन्दा आज एकदम राम्रो भएको जनाएका छन् । सामाजिक सञ्जालमार्फत उनले आफ्नो स्वास्थ्यमा सुधार आइरहेको भन्दै स्वास्थ्य लाभको कामना गर्नेलाई धन्यवाद दिएका छन् ।
उनले लेखेका छन्, – आराम छु, आरामको कामना गर्दछु । हिजोभन्दा आज धेरै राम्रो भइरहेको छ । स्वास्थ्य लाभको कामना गर्नु हुने सबैमा धन्यबाद ।’ अस्पताल भर्ना भएको जानकारी पाएपछि उनकी पूर्व पत्नी मिना ढकालले समेत स्वास्थ्य लाभको कामना गर्दै मनछुने स्टाटस लेखेकी छिन् । सामाजिक सञ्जालमा उनले कोरोनालाई जितेर चाँडैं फर्किन आग्रह समेत गरेकी थिइन् । कात्तिक १० गते उनलाई कोरोना पोजिटिभ पुष्टि भएको थियो ।

- ADVERTISEMENT -
- ADVERTISEMENT -
- ADVERTISEMENT -