चिसापद्वारा ५ जना सम्मानित

भरतपुर / चितवन साहित्य परिषद् (चिसाप) ले ५ जनालाई सम्मान गरेको छ । चिसाप राजकृष्ण कंडेल साहित्य पुरस्कार २०७७ वाट सम्मानित हुनेमा चितवनका पत्रकार तथा कथाकार वसन्त पराजुली, विरगञ्जका साहित्यकार गणेश लाठ सम्मानित हुनुभएको छ ।
पराजुलीको कथा संग्रह कुमाता र साहित्यकार गणेश लाठलाई घटित उपन्यासका लागि पुरस्कृत गरिएको हो । पुरस्कारको राशी १५ हजार ४५ रुपैयाँ, दोसल्ला र सम्मानपत्र रहेको छ । पराजुली गोरखापत्रका लागि चितवन संवाददाता हुनुहुन्छ ।
यस्तै कार्यक्रममा चिसाप प्रतिभा पुरस्कार २०७७ बाट अन्तराष्ट्रिय साहित्य समाजका अध्यक्ष प्रकाश पौडेल माइला, चिसाप खेमलाल लामिछाने साहित्य पुरस्कारबाट केन्द्र र परिधि निवन्धकालागि निवन्धकार रामबाबु घिमिरेलाई र चिसाप लिला नर्मदा पुरस्कारकालागि महोपथ कथासंग्रहका लागि कथाकार ललित बिष्टलाई प्रदान गरिएको छ ।
हाल जापानमा रहेका कारण पुरस्कृत ब्यक्तित्व पौडेलका वुवा चुडामणि पौडेलले उहाँको पुरस्कार ग्रहण गर्नुभयो ।
कार्यक्रममा चितवन साहित्य परिषदका अध्यक्ष सुरेन्द्र अस्तफल, पूर्व अध्यक्ष केदारनाथ खनाल, साहित्यकार श्यामजी अतिथी, पुरस्कार की संस्थापक मायादेवी कडेलले पुरस्कृत ब्यक्तित्व द्वयलाई सम्मान गर्नुभएको थियो ।
चिसापका अध्यक्ष अस्तफलले २०७६ सालमा प्रकाशित श्रष्टाहरुका कृतिका आधारमा पुरस्कार छनौट समितिको निर्णय अनुसार पुरस्कृत गरिएको जानकारी दिनुभयो ।