July 22, 2024

सहाराबिहिन उर्गेन तामाङको बिचल्ली, सहयोगको लागि अपिल

November 21, 2020
फोटो : कालिकादैनिक ।

चितवन / मानिसको जीवनमा कसैलाई सुख त कसैलाई दुःख प्राप्त हुन्छ । सुखको तुलनामा दुःख भोग्नेहरु यो संसार अत्यधिक पाइन्छ । यो प्राकृतिक नियम नै हो । यस्तै सहाराविहीन र दुःख भोग्न बाध्य कालिका नगरपालिकाको वडा न. १ गडुवाचोक चौतारोका उर्गेन तामाङ (लाजेन दोङ) आजीवन चौतारो र खुला आकाशमुनीको बास भएको छ ।
तामाङका अनुसार उनी सिन्धुपाल्चोकको बराम्जे जन्म थलो भएको बताउँछन् । उमेर ५६ बर्षभन्दा काटिसकेका बताउने न त नागरिकता छ न त बस्ने बास नै । उनलाई न त जन्म दिने आमा बुबा थाहा छ न त आफन्तजन नै । गर्वमै हुँदा बाबु भारतमा ज्याला मजदुरी गर्ने क्रममा बितेको र जन्मेको ३ दिनमै आमा बितेपछि हजुरबुबा हजुरआमाले हुर्काएको उनी बताउँछन् ।
गडुवाचोकको चौतारोमा बस्दै आएका तामाङको ३ वर्षले जेठा दाजु दावा पनि उनी जस्तै बिचल्लीमा छन् । आफू ज्याला मजदुरी गरेर पेट पाल्दै आएको र दाजु पनि मजदुरी गर्दै पेट पालेको उनले भने । दाजु १३ वर्ष र आफू १० वर्ष हुँदा मामाले सबै सम्पत्ति आफ्नो नाम पारेपछि आफूहरु बिचल्लीमा परेको सुनाउँछन् ।
सहयोगी दाताले दिएको त्रिपाल पाएर जाडो छल्दै आएको उनले बताए । खानाकै लागि काठमाडौं, पोखरा, लमजुङ, आछाम, बझाङ, दिपायल लगाएर धेरै ठाउँमा ज्याला मजदुरी र भारी बोक्न समेत पुगेको उनी बताउँछन् । अस्ति खाना बनाएर खाएको भन्दै सोही दिनको बासी भात देखाउदै उनले भने– भएको खानेकुरा फाल्न हुन्न, खान काम लाग्छ । अत्यन्त दयनीय अवस्था भएकोले सहयोगी मनहरुलाई सहयोगको लागि अपिल पनि गरेका उनले छन् ।

- ADVERTISEMENT -
- ADVERTISEMENT -