प्रवासी नेपालीले बुझाए कालिका नगरपालिकामा ज्ञापन–पत्र

चितवन / विभिन्न कामको सिलसिलामा विदेशमा पुगेर कोरोना महामारीका कारण घर फर्केका प्रवासी नेपालीहरुले कालिका नगरपालिकामा ज्ञापन–पत्र बुझाएका छन् । कालिका नगरपालिकामा स्थाई घर भएका प्रवासी नेपालीहरुले आइतबार आवश्यक सहयोग गर्न अनुरोध गर्दै सो ज्ञापनपत्र बुझाएको हो ।
उक्त ज्ञापनपत्रमा कोरोना संक्रमणबाट घर फर्कन बाध्य भएको र स्थानीय सरकारले सहयोग गर्न अनुरोध गरिएको उल्लेख छ । उनीहरुले १६ बुंदे ज्ञापन–पत्र नगर प्रमुख खुमनारायण श्रेष्ठलाई बुझाउँदै नेपालमै केही गर्ने वातावरण मिलाइदिन स्थानीय, प्रदेश र संघीय सरकारलाई अनुरोध गरेको छ ।
प्रबासी नेपाली संघ भारतका सचिव दुर्गादत्त पौडेलले नेपालीहरुले विदेशमा भोग्नुपरेको समस्या र स्वदेश फर्किएका नेपालीको अवस्थाको बारेमा जानकारी गराएका थिए ।