April 13, 2024

विश्वमा एकैदिन थपिए ५ लाख नजिक संक्रमित

November 24, 2020

विश्वमा कोरोना संक्रमित ५ करोड ९४ लाख बढी
काठमाडौं / पछिल्लो २४ घण्टाम विश्वमा चार लाख ९८ हजार २८ जना नयाँ कोरोना संक्रमित थपिएका छन् । योसँगै विश्वमा कोरोना संक्रमितको कूल संख्या ५ करोड ९४ लाख ९६ हजार २९० पुगेको छ ।
वर्ल्डोमिटर्सको तथ्यांकअनुसार सोमबार सबैभन्दा बढी कोरोना संक्रमित अमेरिकामा थपिएका छन् । अमेरिकामा सोमबार एक लाख ६६ हजार ४८९ जना नयाँ संक्रमित थपिएका छन् ।
भारतमा पछिल्लो २४ घण्टामा ३७ हजार ३२९ जना नयाँ संक्रमित थपिका छन् । सोही अवधिमा रूसमा थपिएका नयाँ संक्रमितको संख्या २५ हजार १७३ रहेको छ ।
इटालीमा सोमबार २२ हजार ९३० जना नयाँ संक्रमित थपिएका तथ्यांकले देखाएको छ । ब्राजिलमा १६ हजार ६०३ जना नयाँ संक्रमित सोमबार थपिएका छन् ।
बितेको २४ घण्टामा जर्मनीमा १४ हजार ५३७ नयाँ संक्रमित थपिएका छन् भने पोल्याण्डमा १५ हजार दुई जना थपिए । इरानमा सोमबार १२ हजार ४६० जना संक्रमित थपिएका छन् ।
यस्तै, युक्रेनमा १० हजार ९४५, फ्रान्समा चार हजर ४५२, स्पेनमा आठ हजार ५९९, अर्जेन्टिनामा चार हजार २६५, कोलम्बियामा ६ हजार ५६२ जना नयाँ संक्रमित सोमबार थपिएका छन् ।

- ADVERTISEMENT -