चर्चित क्रिकेट खेलाडी सन्दीपलाई कोरोना संक्रमण

काठमाडौं / चर्चित क्रिकेट खेलाडी सन्दिप लामिछानेलाई कोरोना भाइरस (कोभिड–१९) संक्रमण पुष्टि भएको छ । क्रिकेट खेलाडी लामिछानेले आफूलाई कोरोना संक्रमण पुष्टि भएको शनिबार बिहान जानकारी दिएका हुन् । लामिछानेले सामाजिक सञ्जाल मार्फत् यो जानकारी गराएका हो ।
उनले सामाजिक सञ्जालमा लेखेका छन्– ‘बुधबारदेखि शरीर दुखेजस्तो भएपछि पीसीआर परीक्षण गराउँदा कोरोना संक्रमण देखिएको छ,’ । उनले भने,– ‘मेरो स्वास्थ्यमा सुधार भइरहेको छ ।’
लामिछानेका अनुसार संक्रमण पुष्टि भएपछि आफू होम आइसोलेसनमा बसेको जानकारी दिएका छन् । आफू छिट्टै निको भएर खेलमा फर्किने विश्वास पनि उनले व्यक्त गरेका छन् ।