May 18, 2024

रत्ननगर उवासंघको आज मतदान, वरिष्ठ उपाध्यक्षमा गिरी र श्रेष्ठ भिड्दै

December 14, 2020

चितवन / रत्ननगर उद्योग वाणिज्य संघको २१ औं साधारण सभा तथा नवौं अधिवेशनको आज मतदान हुँदैछ । मतदान प्रक्रियामा वरिष्ठ उपाध्यक्ष सहित पदाधिकारी र कार्यसमितिका सदस्यहरुको निर्वाचन हुने भएको हो ।
बिहानबाट सुरु हुने मतदानबाट वरिष्ठ उपाध्यक्षसहित पदाधिकारी तथा सदस्यहरु चयन हुँदैछन । संघको नेतृत्व हात पार्न नेकपा र नेपाली काँग्रेस निकटका व्यवसायीहरु दुई प्यालन चुनावी मैदानमा छन् । संघको वरिष्ठ उपाध्यक्ष सहित २१ पदमा निर्वाचन हुँदैछ । त्यसका लागि ४३ जना व्यवसायीले उम्मेदवारी दर्ता गराएका छन् ।
मतदानमा वरिष्ठ उपाध्यक्षका लागि नेकपा निकटका व्यवसायी शंकर गिरी र नेपाली काँग्रेस निकटका व्यवसायी देबेन्द्रकुमार श्रेष्ठबीच प्रतिस्पर्धा हँुदैछ । वणिज्यतर्फको उपाध्यक्षमा नेकपाका भीमनारायण श्रेष्ठ र नेपाली काँग्रेसका कविन घिमिरे तथा स्वतन्त्र उम्मेदवारका रुपमा देवीप्रसाद डल्लाकोटीले उम्मेदवार बनेका छन् । उद्योगतर्फको उपाध्यक्षमा नेकपाका पुरु खनाल र नेपाली काँग्रसबाट निरञ्जन थापा, एशोसियट उपाध्यक्षमा नेकपाका राममणि थपलिया र राप्रपाका हरिप्रसाद अधिकारीले बीच प्रतिस्पर्धा हँुदैछ ।
महासचिवमा नेकपाबाट निराजन खनाल र नेपाली काँग्रेसबाट माधवप्रसाद पौडेल र कोषाध्यक्षको लागि नेकपाबाट उपेन्द्र शर्मा आचार्य र नेपाली काँग्रेसबाट मीना उप्रेती उम्मेदवार बनेका छन् । वाणिज्य सदस्यको लागि नेकपाबाट अर्जुन बस्ताकोटी, ईश्वरीप्रसाद अर्याल, रामशरण नेपाल, सुन्दरमणि सुवेदी, सुरेन्द्र दुवाडी, सुर्यप्रकास रेग्मी, प्रकाशमणि सापकोटा, उत्तम घिमिरे र नेपाली काँग्रेसबाट सुरेन्द्रकुमार श्रेष्ठ, यामनाथ आचार्य, हेमराज आचार्य, कृष्ण चौधरी, सागर दुवाडी, सिताराम भट्टराई, बुद्धराम जोशी, सुर्यकान्त पौडेल चुनावी मैदानमा छन ।
उद्योगतर्फ सदस्यका लागि नेकपाबाट अनुप विसुराल, सुवास मिश्र, उद्धबकुमार कोइराला, रामप्रसाद पाण्डे, महेन्द्र घिमिरे, विरञ्जना सापकोटा र नेपाली काँग्रेसवाट बुद्धिराज ओझा, अरुणकुमार सिवाकोटी, शम्शेर घामल्य, सविन मानन्धर, कपिल ढकाल र हरिशरण भट्टराई बीच प्रतिस्पर्धा हुँदैछ ।
महिला सदस्यमा नेकपाबाट निर्मला सुवेली र नेपाली काँग्रेसबाट उर्मिलादेबी पोखरेल चुनावी मैदानमा छन । वस्तुगत उपाध्यक्षमा नेपाली काँग्रेसका रघुनाथ भट्ट, वस्तुगत सदस्यमा नेपाली काँग्रेसका शिबराज मैनाली र नेकपाबाट एसोसियट सदस्यमा जोगेन्द्र महतो र लोजिककृष्ण सागर निर्विरोध निर्वाचित भएका छन् । संघको वरिष्ठ उपाध्यक्षसहित पदाधिकारी तथा सदस्य निर्वाचनको लागि १ हजार ३२५ जना व्यवसायीहरुले मतदान गर्ने निर्वाचन अधिकृत अधिवक्ता रामकृष्ण अधिकारीले जानकारी दिए ।
२१ औं साधारण सभा तथा अधिवेशनले वरिष्ठ उपाध्यक्षसहित पदाधिकारी तथा सदस्य गरी २५ सदस्यीय कार्यसमिति चयन गर्नेछ । ७ सदस्य मनोनित गर्ने व्यवस्था रहेको छ ।

- ADVERTISEMENT -
- ADVERTISEMENT -
- ADVERTISEMENT -