चितवन / तामाङ पत्रकार संघ जिल्ला शाखा चितवनका सदस्य सन्तोष तामाङलाई मातृशोक परेको छ । उहाँकी आमा धनमति तामाङको ८४ वर्षको उमेरमा शुक्रबार निधन भएको पारिवारिक स्रोतले जानकारी दिनुभयो ।
तामाङकी आमा विगत चार वर्षदेखि दम रोगले ग्रसित हुनुहुन्थ्यो । एक महिना अघि मात्र घाँटीको क्यान्सर भएको र डाक्टरको सल्लाह अनुसारलाई एक साता अघि शल्यक्रिया गरिएको तामाङले जानकारी दिनुभयो ।
तामाङका अनुसार एक छोरा र एक छोरी मात्र सन्तानको रुपमा रहेको छ भने उहाँ नमस्ते टिभीका क्यामरा पर्सन र चितवन फोटोग्राफी संघमा पनि आवद्ध हुनुहुन्छ ।
यसैबीच तामाङ पत्रकार संघ, चितवनले शोक वक्तव्य जारी गरेको छ । वक्तव्यमा तामाङ पत्रकार संघ चितवनका सदस्य सन्तोष तामाङकी आमाप्रति हार्दिक समवेदना प्रकट गरिएको छ ।
संघका अध्यक्ष ज्ञानेन्द्र तामाङद्वारा हस्ताक्षरित वक्तव्यमा दुःखको यस घडीमा दिवंगत आत्माको चिरशान्तिको कामना गर्दै शोकाकुल परिवाजनमा धैर्यधारण गर्ने शक्ति मिलोस् भन्ने कोन्ज्योसोमसमक्ष प्रार्थना भनी उल्लेख गरिएको छ ।
- ADVERTISEMENT -
