प्रधानमन्त्री ओली आज चितवन आउँदै, गोन्द्राङ ६ लेन सडक र सिटि हलको शिलान्यास हुने

चितवन / प्रधानमन्त्री केपी शर्मा ओली आज शनिबार चितवन आउने भएका छन् । प्रधानमन्त्री ओली भरतपुरको नारायणगढ गोन्द्राङ ६ लेन सडक र सिटि हलको शिलान्यास कार्यक्रम र नेकपाको कार्यकर्ता भेला तथा जनसभालाई सम्बोधन गर्न चितवन आउने भएको हो ।
जिल्ला प्रहरी कार्यालय चितवनका प्रमुख नान्तिराज गुरुङका अनुसार ठूलो संख्यामा सुरक्षाकर्मी परिचालन गरिएको छ । यसैलाई मध्यनजर गर्दै चितवनको सुरक्षा व्यवस्थालाई अत्यन्त कडा पारिएको छ ।
‘एकीकृत सुरक्षा व्यवस्था गरेर नेपाल प्रहरी, सशस्त्र, राष्ट्रिय अनुसन्धान र आवश्यकता अनुसार नेपाली सेना परिचालन भएको छ,’ प्रमुख गुरुङले भने ‘कार्यक्रम स्थललाई सुरक्षित राख्ने र कुनै पनि प्रकारका विरोध हुन नदिने गरी तयारी गरेका छौँ ।
यस्तै चितवनका प्रमुख जिल्ला अधिकारी नारायण प्रसाद भट्टराईको नेतृत्वमा रहेको जिल्ला सुरक्षा समितिमार्फत पनि सुरक्षा सतर्ककता अपनाइएको छ ।
शिलन्यास पश्चात शनिबार नै भरतपुरको केन्द्रीय बस टर्मिनलमा जनसभा समेत आयोजना गरिदैँ छ । मध्यान्ह १२ः३० बजे सो जनसभा पनि प्रधानमन्त्री ओलीले नै सम्बोधन गर्ने कार्यक्रम रहेको छ ।
शनिवार नेपाल कम्युनिष्ट पार्टी (नेकपा) का अध्यक्षसमेत रहनुभएका प्रधानमन्त्री ओली प्रधानमन्त्री ओलीसहित उपप्रधानमन्त्री इश्वर पोखरेल, गृहमन्त्री रामबहादुर थापा बादल, भौतिक पूर्वाधार तथा यातायात मन्त्री वसन्त नेम्वाङ, र शहरी विकास मन्त्री प्रभु साहलगाएतका शिर्ष नेताहरु चितवन आउदैछन् ।