प्रचण्ड–माधव पक्षले बुझायो निर्वाचन आयोगलाई पत्र

काठमाडौँ । नेपाल कम्युनिष्ट पार्टीको प्रचण्ड–माधव पक्षले निर्वाचन आयोगलाई आफुहरु आधिकारीक नेकपा भएको दावी गर्दै पत्र बुझाएको छ ।
अध्यक्षद्धय प्रचण्ड र माधवकुमार नेपाल तथा वरिष्ठ नेता झलनाथ खनालसहितका नेताहरु मंगलबार बिहान आयोगको केन्द्रीय कार्यालय कान्तिपथ पुगेर आधिकारिकताका लागि पत्र बुझाएर फर्केका हुन् ।
सोमबार बसेको प्रचण्ड–माधव पक्षको चौथो केन्द्रीय समितिको बैठकले आयोगमा आधिकारिकता दाबी गर्न पत्रसहित जाने निर्णय गरेको थियो ।
सोही अनुरुप राजनीतिक दलसम्बन्धी ऐनको दफा ४३ र ४४ अनुसार आधिकारिता दाबी गर्दै आयोगलाई पत्र बुझाएको बरिष्ठ नेता झलनाथ खनालले जानकारी दिए ।