देशको भविष्यको लागि जनमतमा जानुपर्ने : विप्लव

काठमाडौं / नेपाल कम्युनिष्ट पार्टीका महासचिव नेत्रविक्रम चन्द विप्लवले देशको भविष्यको लागि जनमतमा जानुपर्ने बताएका छन् । शुक्रबार राष्ट्रिय सभागृहमा नेपाल सरकार र नेपाल कम्युनिष्ट पार्टीबीच सम्पन्न सहमतिमा हस्ताक्षर समारोहमा सम्बोधन गर्दै महासचिव विप्लवले कुन विषयमा जनमतमा जाने भन्ने विषय स्पष्ट नपारे पनि जनताले स्वतन्त्रतापूर्वक कदम चाल्नको लागि जनतालाई जनमतको अधिकार दिनुपर्ने बताए ।
नेपालमा कसैले पनि सुरक्षित महसुस नगरेको तथा नेताहरुले समेत आफैले नेतृत्व गरिरहेको जस्तो अनुभुति नगरेको भन्दै उनले जनतालाई मतको अधिकार दिइनुपर्नेमा जोड दिए । यस्तै महासचिव विप्लवले देशलाई आत्मनिर्भर, स्वाधिन र सुन्दर बनाउने सपना सहित सरकारसँग सहमती भएको दाबी गर्दै सरकारसँग गरेको तीन बुँदे सहमती पालना गर्न आफुहरु प्रतिबद्ध रहेको बताए ।
उनले आफ्नो पार्टीले सहमती पालन गर्ने भन्दै त्यसमा कसैले पनि आशंका गर्न आवश्यक नरहेको स्पष्ट पारे । कम्युनिष्टहरु आफ्नो मान्यता देश माथि हस्तक्षेप भएको महशुस हुँदा बिद्रोह गर्ने र राज्यले बदलिएको परिस्थितिमा आफ्नो भुमिका पुरा गरेको स्थितिमा कमयुनिष्टहरु शान्तिको दुत पनि बन्ने गरेका महासचिव विप्लवल बताए । महासचिव विप्लवले सबैसँग सहकार्य, हातेमालो गरेर अगाडी बढ्न तयार रहेको पनि स्पष्ट पनि पारे ।