चितवनमा थपिए १ सय ६७ जनामा कोरोना संक्रमित

चितवन / चितवनमा एकैदिन थप १ सय ६७ जनामा कोरोना संक्रमण पुष्टि भएका छन् । जिल्ला जनस्वास्थ्य कार्यालय चितवनले शनिबार एकै दिन थप १ सय ६७ जनामा कोरोना संक्रमण पुष्टि भएको जानकारी दिए ।
स्वास्थ्य कार्यालयका अनुसार विगत २४ घण्टामा भरतपुरमा १ सय १४ जना, खैरहनीमा ४, माडी नगरपालिकामा ८, रत्ननगरमा २१, राप्तीमा १४ र कालिका नगरपालिकामा ६ जनामा कोरोना संक्रमण पुष्टि भएको हो ।
योसँगै चितवनमा जम्मा संक्रमितको संख्या ११ हजार १ सय ५४ पुगेको छ भने संक्रमितमध्ये घरमा आइसोलेसनमा तीन हजार ५ सय २४ र अस्पतालको आइसोलेसनमा २ सय १४ जना रहेका छन् । चितवनमा कोरोना संक्रमणबाट मृत्यु हुनेको संख्या कुल १६३ पुगेको छ ।