खाल्डोमा जमेको पानीमा डुवेर दुई बालकको मृत्यु

महोत्तरी / महोत्तरीमा इट्टा उद्योगले माटो झिक्न खनेको खाल्डोमा जमेको पानीमा डुवेर दुई जना बालकको मृत्यु भएको छ ।
जिल्ला प्रहरी कार्यालय महोत्तरीका अनुसार मृत्यु हुनेमा रामगोपालपुर नगरपालिका ९ गोठबनौलीका एकैपरिवारका दुई दाजुभाई रहेका छन् ।
गोठबनोली निवासी रामकरण मण्डलका १० वर्षीय छोरा आशिक कुमार र नौ वर्षीय प्रेम कुमारको घर नजिकै रहेको एमपीएस इँटा उद्योगले माटो झिक्न खनेको खाल्डोमा जमेको पानीमा डुबेर मृत्यु भएको जिल्ला प्रहरी कार्यालय महोत्तरीका प्रवक्ता प्रकाश विष्टले जानकारी दिए ।
मृतक दुवै दाजुभाईको शव पोष्टमार्टमका लागि जलेश्वर अस्पतालमा राखिएको र घटनाबारे थप अनुसन्धान भइरहेको प्रहरीले जनाएको छ।