प्रतिबन्धित औषधी कारोबार गर्ने संचालकसहित २ जना पक्राउ

चितवन / चितवनमा निशेधाज्ञाको मौका छोपी प्रहरीलाई छलेर प्रतिबन्धित लागु औषध कारोबारमा संलग्नलाई प्रहरीले पक्राउ गरेको छ । आइतबार उनीहरु भरतपुर महानगरपालिका वडा नम्बर ९ मा पक्राउ गरिएपनि प्रहरीले मंगलबार सार्वजनिक गरेको हो ।
जिल्ला प्रहरी कार्यालय, चितवनका अनुसार जेठ १७ गते भरतपुर महानगरपालिका वडा नं. २ पोखरा बसपार्क सत्य भगवती मेडिकल हलमा प्रतिबन्धित औषधी बिक्री गरेको अवस्थामा संचालक अभिषेक थापा र भरतपुर–२ का आशिष तिवारीलाई पक्राउ गरिएको हो ।
प्रहरीले ट्रमा ६८० ट्याब, अनारगन १०१० ट्याव ट्रुपिन ८१ ट्याव गरी १ हजार ७७१ ट्याब बरामद गरेको थियो । कारोबारी दुबैजनालाई पक्राउ गरी थप अनुसन्धान र कारबाहीको लागि औषधि व्यवस्था विभाग शाखा कार्यालय विरगंज पठाईएको प्रहरीले जनाएको छ ।