June 24, 2024

युरोकप क्वार्टरफाइनल आज : दुई खेलको रोमाञ्चक प्रतिस्पर्धा

July 2, 2021

काठमाडौँ / युरोकप २०२० फुटबलको क्वार्टरफाइनल खेल आज शुक्रबारबाट सुरु हुँदैछ । युरोकप २०२० फुटबलको १६औं संस्करण अन्तर्गत आज दुई वटा क्वार्टरफाइनल खेल हुँदैछ । जसअनुसार पहिलो क्वार्टरफाइनल खेल रसियाको गाजप्रोम एरेनामा स्विजरल्याण्ड र स्पेन नेपाली समयानुसार राति ९ः४५ बजे भिड्दै छन् ।
स्विजरल्याण्ड नक आउट चरणमा साविक उपविजेता फ्रान्सलाई पेनाल्टी सुटआउटमा पराजित गर्दै क्वार्टरफाइनलमा प्रवेश गरेको हो । स्विजरल्याण्ड उत्कृष्ट लयमा रहेको छ ।
यता, स्पेनले पनि नक आउट चरणमा क्रोएसियामाथि रोमान्चक जित हात पार्दै क्वार्टरफाइनलमा स्थान पक्का गरेको हो । स्पेनले क्रोएसियालाई ५–३ गोल अन्तरले हराएको थियो । युवा खेलाडीको बाहुल्यता रहेको दुवै टिम अहिलेसम्म २२ पटक आमुनेसामुने भएका छन् । जसमा स्पेन १६ पटक विजयी भएको थियो भने स्विजरल्याण्ड १ पटक विजयी भएको थियो ।
त्यसैगरी आजै हुने दोस्रो खेल नेपाली समयानुसार राती १२ः४५ बजे बेल्जियम र इटाली भिड्दैछन् । जर्मनीको रलियान्जा एरेनामा खेल हुँदैछ । दुवै टोली यो पटककको उपाधि दाबेदार मानिएका छन् । बेल्जियम नक आउट चरणमा पोर्चुगललाई १–० गोल अन्तरले हराउँदै क्वार्टरफाइनलमा पुगेको हो । बेल्जियम राम्रो लयमा रहेको छ ।
यता इटाली पनि उत्कृष्ट प्रदर्शन गर्दै क्वार्टरफाइनलमा पुगेको हो । नक आउट चरणमा अस्ट्रियालाई २–१ गोल अन्तरले हराउँदै क्वाटरफाइनलमा बेल्जियमसँग भिडन्त पक्का गरेको हो । बेल्जियम र इटालीबीच अहिलेसम्म २२ पटक प्रतिस्पर्धा भइसकेको छ । जसमा इटालीले १४ खेल जितेको छ भने बेल्जियमले ४ खेल । ४ खेल बराबरी खेलेका छन् ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -