बालमाविद कासको पूर्णता : १७ सदस्यीय कार्यसमिति गठन

चितवन / बालमाविद् एलम्नाइ एशोसियसनको कार्यसमितिले पूर्णता पाएको छ । नवगठित बालमाविद एलम्नाइ एशोसियसनको आइतबार सम्पन्न पहिलो बैठकले १७ सदस्यीय कार्यसमिति रहने गरी निर्णय गरिएको अध्यक्ष सेवन पन्तले जानकारी दिए ।
अध्यक्ष पन्तका अनुसार उपाध्यक्षमा भरतकुमार आचार्य, महासचिवमा अमृत श्रेष्ठ, सचिवमा सनुजा श्रेष्ठ र कोषाध्यक्षमा सनद पिया चयन भएका हुन् । सचिव श्रेष्ठलाई बैठकको निर्णयले मनोनयनमा पारेको हो भने कोषाध्यक्ष पियालाई पुनः सो पदमा दोहोर्याइएको अध्यक्ष पन्तले बताए ।
यस्तैगरी बैठकले सरिता तिमिल्सिना, ऋषिकेश अधिकारी, बालकृष्ण चापागाई, राजकुमार गुरुङलाई मनोनयन गरेको छ भने एक जना अध्यक्षबाट पछि चयन गरिने बताइएको छ ।
यसअघि गत शनिबार सम्पन्न बालमाविद् एलम्नाइ एशोसियसनको ३१औं साधारण सभा तथा नवौं अधिवेशनबाट निवर्तमान अध्यक्ष पदेन सदस्यसहित सेवन पन्त अध्यक्ष रहने गरी दश सदस्य चयन गरिएको थियो ।
बालमाविद एलम्नाइ एशोसियसन वि.सं. २०४६ सालमा स्थापना भएको हो ।