April 12, 2024

करेन्ट लागेर एकै परिवारका दाजुभाइ मृत्यु

August 5, 2021

बैतडी / बैतडीको सुर्नया गाउँपालिका–५ स्वालीमा बदेलका लागि छोडेको तारमा करेन्ट लागेर दुई जनाको मृत्यु भएको छ ।
बुधबार राति साढे १० बजेतिर मकैबारीमा गएका बेला करेन्ट लागेर सुर्नया गाउँपालिका–५ का अजब चन्दका छोराहरु २१ वर्षीय सन्तोष चन्द र १८ वर्षीय अमृत चन्दको घटनास्थलमै मृत्यु भएको जिल्ला प्रहरी कार्यालय, बैतडीका प्रवक्ता प्रहरी निरीक्षक बोधराज ओझाले जानकारी दिए । उनीहरु दाजुभाइ भएको बुझिएको छ ।
जंगली बँदेलले मकैबारी नष्ट गर्न थालेपछि मैकैबारीमा छोडिएको तारबाट उनीहरुलाई करेन्ट लागेको प्रनि ओझाले बताए । घटनास्थलमा राति नै प्रहरी टोली पुगेको र घटनाबारे थप अनुसन्धान भइरहेको प्रहरीले जनाएको छ ।

- ADVERTISEMENT -