नेपालमा थप २५४८ संक्रमित, एकैदिन ५५ जनाको मृत्यु

काठमाडौं / पछिल्लो २४ घण्टामा देशभर २ हजार ५ सय ४८ जनामा कोरोना भाइरस (कोभिड–१९) संक्रमण पुष्टि भएको छ । देशभरका प्रयोगशालामा कोरोना परीक्षण गर्दा १२ हजार ३७८ संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै देशभर कोरोना संक्रमितको कुल संख्या पीसीआरबाट ७ लाख १४ हजार ८७७ जना र एन्टीजेनबाट ६८ हजार ४७८ पुगेका छन् । कूल संक्रमितमध्ये हालसम्म ६ लाख ६९ हजार २९९ जना संक्रमणमुक्त भएका छन् भने १ हजार ९३ जनाको मृत्यु भएको छ ।
मन्त्रालयका अनुसार पछिल्लो २४ घण्टामा देशभरका २ हजार १९ जना संक्रमणमुक्त भएका छन् भने ५५ जनाको मृत्यु भएको छ ।
हाल देशभर ८०२ जना आईसीयुमा रहेका छन् भने १८१ जना भेन्टिलेटरमा रहेका छन् । देशभर सक्रिय संक्रमित ३५ हजार बढी रहेका छन् ।