चितवनमा ८० वटा सवारीसाधनलाई निषेधाज्ञा उल्लंघनको कारवाही

चितवन / निषेधाज्ञा उल्लघंन गर्ने ८० वटा सवारीसाधनलाई कारवाही गरिएको छ । बुधबार निशेधाज्ञा अवज्ञा गर्ने ८० वटा सवारीसाधनलाई जिल्ला ट्राफिक प्रहरी कार्यालयले कारवाही गरेको जनाएको छ ।
कार्यालयका अनुसार सबैभन्दा बढी दुईपांँग्रे सवारी र कम ठूला जोर अंकका सवारी साधन रहेका छन् । जसअनुसार ट्राफिक प्रहरीले ३८ वटा मोटरसाइकल, १२ वटा ठूला तीनपांँग्रे सवारीसाधन ५ वटा अन्य साना सवारीसाधन २५ गरी ८० वटा विजोर सवारीसाधन कारवाहीमा परेका हुन् ।
कार्यालयका प्रमुख भगवानराज थापाले संक्रमणदर बढ्दै जाने क्रममा जोरविजोर प्रणालीमा थप कडाई गर्दै लगिएकोले कारवाहीको संख्यामा पनि बृद्धि भएको बताए । विशेषगरी सार्वजनिक यातायातले निषेधाज्ञाको अवज्ञा र संक्रमणको जोखिम पनि सार्वजनिक यातायातमै भएको प्रशासनको आदेश अनुसार कारवाही गर्दै आएको थापाको भनाइ छ ।
निशेधाज्ञा अवज्ञा गर्ने त्यस्ता सवारीसाधनबाट ट्राफिक प्रहरीले न्यूनतम पांँच सयदेखि दुई हजारसम्म जरिवाना गर्ने बताइएको छ ।