चितवन / नवलपरासी (बर्दघाट सुस्ता पश्चिम) का विभिन्न क्षेत्र डुबानमा परेका छन् । बिहीबारदेखि अविरल परेको वर्षाका कारण नवलपरासीको रामग्राम नगरपालिका वडा नं. २,३ र ५ क्षेत्र डुबानमा परेको हो ।
नवलपरासीका सहायक प्रजिअ जोरा सिंह माझीका अनुसार अविरल वर्षाका कारण राति २ देखि नै उक्त क्षेत्र डुबानमा परेको हो । झरै खोलाबाट बाढी पसेर सो क्षेत्र डुबानमा परेको उनले बताए । सो बाढीका कारण वडा नम्बर ५ को हाटबजार र सेतो पुलहुँदै वडा नं. २,३ र ५ का विभिन्न क्षेत्र डुबानमा परेको हो ।
सो क्षेत्रका अधिकांश घरहरु, सरकारी कार्यालय र केही स्थानका २ तलो घरको पहिलो तलासम्म बाढी पसेको छ । बाढीले अधिकांश घरका सामानह बगाएको छ । नेपाली सेना, सशस्त्र प्रहरी र नेपाल प्रहरीद्वारा उक्त क्षेत्रमा उद्धार कार्य जारी छ ।
- ADVERTISEMENT -
