निको दर बढ्दो : संक्रमित थप १२७१ जना, १८४५ संक्रमणमुक्त

काठमाडौं / पछिल्लो २४ घण्टामा नेपालमा १ हजार २७१ जनामा कोरोनाभाइरसको संक्रमण पुष्टि भएको छ । देशभरमा पीसीआरबाट ८ हजार ८९८ र एन्टिजेन विधिबाट ३ हजार ४६ जनाको परिक्षणमा १ हजार २७१ जनामा कोरोना भाइरस संक्रमण पुष्टि भएको बिहीबार प्रेस ब्रिफिङ मार्फत् स्वास्थ्य तथा जनसंख्या मन्त्रालयले जनाएको छ ।
यससँगै नेपालमा कुल संक्रमितको संख्या पीसीआरबाट ७ लाख ७४ हजार ५८७ र एन्टिजेनबाट ८६ हजार २१९ जनामा पुष्टि भएको हो ।
यस्तै, आज थप १८४५ जना कोरोना संक्रमण मुक्त भएका छन् । यससँगै कुल कोरोना संक्रमण मुक्त हुनेको संख्या ७ लाख ३५ हजार ६ जना पुगेको छ । निको हुनेको दर ९४.९ प्रतिशत छ ।
आजै कोरोना संक्रमणबाट थप १४ जनाको मृत्यु भएको छ । नेपालमा कोरोनाबाट ज्यान गुमाउनको कुल संख्या १० हजार ९०३ पुगेको छ ।