चितवनको सीडीओमा आस्मान तामाङ आउने

चितवन / नेपाल सरकारको गृह मन्त्रालयले १२ जिल्लाका प्रमुख जिल्ला अधिकारीको काज सरुवामार्फत परिवर्तन गरेको छ । बुधबार गृहमन्त्री बालकृष्ण खाँणले मन्त्रीस्तरीय निर्णयबाट प्रमुख जिल्ला अधिकारीहरुको सरुवा गर्नुभएको हो ।
सोही अनुसार चितवनमा रुपन्देहीका प्रमुख जिल्ला अधिकारी आस्मान तामाङ आउने भएका छन् । चितवनका प्रमुख जिल्ला अधिकारी प्रेमलाल लामिछानेको सरुवाको सरुवा भएको छ । रुपन्देहीमा गृह मन्त्रालयका सहसचिव ऋषिराम तिवारीलाई पठाइएको छ ।