चितवन / महानगर बचत तथा ऋण सहकारी संस्था लि. ले सदस्यहरुको गुणस्तरीय जीवनयापनको लागि वित्तीय सेवा प्रदान गर्ने सक्षम र उत्कृष्ट सहकारी स्थापना गर्ने उद्देश्यका साथ चौथो वार्षिक साधारण सभा तथा प्रथम अधिवेशन सम्पन्न गरेको छ ।
अधिवेशनले केशवप्रसाद लामिछानेको अध्यक्षतामा सात सदस्यीय कार्य समिति निर्विरोध निर्वाचित गरेको छ । समितिको उपाध्यक्षमा वीरेन्द्र पिया, सचिवमा प्रमोदराज पौडेल, कोषाध्यक्ष अशोक श्रेष्ठ, सहसचिवमा पुष्पलता प्रधान र सदस्यहरुमा कोपिला श्रेष्ठ र अर्जुनप्रसाद शर्मा चयन भएका हुन् ।
- ADVERTISEMENT -
कार्यक्रममा भरतपुर महानगरपालिका सहकारी तथा रोजगार प्रवर्धनका सहकारी अधिकृत रामबाबु पौडेलको प्रमुख आतिथ्यता रहेको थियो ।
कार्यक्रममा कुशल व्यवस्थापन गरे वापत व्यवस्थापक शितलकुमार श्रेष्ठ र उत्कृष्ट कर्मचारीलाई सम्मान गरिएको थियो ।
संस्थाका अध्यक्ष सुनिल मास्के श्रेष्ठको सभापतित्वमा सम्पन्न भएको थियो भने कार्यक्रम सविता कंडेलले संचालन गरेका थिए ।
वि.सं. २०७४ सालमा संस्थाले २५ जना सदस्यहरुबाट सेवा प्रारम्भ गरेको हो भने हाल १९३३ पुरुष र १३८३ महिला गरी ३३८३ जना सदस्य रहेका छन् ।
