चितवन । पत्रकार तथा लेखक सूर्य प्रकाश कडेँल ‘चिसाप लिलानर्मदा साहित्य पुरस्कार’बाट सम्मानित भएका छन् । चितवन साहित्य परिषदले महाकवि लक्ष्मीप्रसाद देवकोटाको ११३औं लक्ष्मीजयन्तीको अवसरमा बिहीबार कडेँललाई सम्मान गरेको हो ।
उनलाई कार्यक्रमका प्रमुख अतिथि साहित्यकार गोविन्दराज बिनोदी, चिसापका अध्यक्ष सुरेन्द्र अस्तफललगायतले नगद, दोसल्ला र प्रमाणपत्रसहित सम्मान गरे । पत्रकारितासँगै साहित्यमा पनि कलम चलाईरहेका कडेँलको गत वर्ष ‘मोसो’ नामक उपन्याश प्रकाशित भएको थियो । २०७७ सालमा प्रकाशित तीन दर्जन कृतिहरुमध्ये उनको ‘मोसो’ उत्कृष्ट ठहरिएको हो । परिषदका अध्यक्ष अस्तफलले पत्रकारिताको इमान र पत्रकारिता भित्रको कालो कथालाई ‘मोसो’ मा समेटिएको बताए । पत्रकार, पत्रकारीता, प्रेम र जनजीवनलाई उक्त उपन्याशमा प्रस्तुत गरिएको छ ।
- ADVERTISEMENT -
सोही कार्यक्रममा महाकवि देवकोटाको चर्चा पनि गरिएको थियो । विरेन्द्र बहुमूखी क्याम्पसका सह–प्राध्यापक, समालोचक धनेश्वर भट्टराइले देवकोटाको चर्चा गरेका थिए । यस्तै वागीश्वरी २८ नामक पुस्तकको विमोचन पनि गरिएको छ । कार्यक्रममा चितवन साहित्य परिसद्का सचिव बालकृष्ण थपलिया, पूर्व अध्यक्ष एवं सल्लाहकार केदारथाथ खनाल, उपाध्यक्ष जगन्नाथ पण्डित, पुरस्कार संस्थापक लक्षमण तिमल्सिना लगायतको उपस्थिति रहेको थियो ।
