चितवन / सिद्धि विनायक बचत तथा ऋण सहकारी संस्था लि. ले आगामी मंसिर १६ गते हुने १४औं वार्षिक साधारणसभाको पूर्व सन्ध्यामा समीक्षा बैठक सम्पन्न गरेको छ । बैठकले उक्त साधारण सभाको लागि संचालक समिति, उपसमिति र सल्लाहकारलाई कामको बाँडफाँड र जिम्मेवारी दिएको छ ।
संस्थाका संस्थापक अध्यक्ष शालिकराम घिमिरेले हिजोको जस्तो कार्यविधिले संस्था अघि नबढ्ने बताए । अहिले संस्था चलाउन गाह्रो भएको र आगामी दिनमा संस्था संचालनका लागि पर्याप्त समय दिनुपर्ने उनको भनाइ थियो । संस्थाका सबै जिम्मेवार पदमा रहेकाले आफ्नो काम र कर्तव्य बुझ्नु पर्ने र सोही अनुसार परिचालन हुनुपर्ने उनले भने ।
संस्थाका अध्यक्ष थिरप्रसाद धितालले संस्थाको बारेमा जानकारी गराउँदै सबैलाई आ–आफ्नो जिम्मेवारी बहन गर्न अनुरोध गरे । संस्था विकासका लागि स्वयम् नै क्षमतावान हुनुपर्ने उनले बताए । क्षमता अभिवृद्धिका लागि सबैलाई जुनसुकै तालिम र संस्थाले सहयोग गर्ने उनको भनाइ थियो ।
संस्थाका सचिव मुकुन्दप्रसाद गौतमले प्रगति प्रतिवेदन र कोषाध्यक्ष जयराम पाण्डेले आर्थिक प्रतिवेदनबारे जानकारी गराएका थिए । व्यवस्थापक विकास पौडेलले संस्थाको वित्तीय अवस्थाको बारेमा बताएका थिए ।
- ADVERTISEMENT -
सो अवसरमा स्व. मदनप्रसाद सापकोटाको स्मरणमा १ मिनेट मौन धारणा गरिएको थियो । स्व. सापकोटा संस्थाका वर्तमान उपाध्यक्ष थिए । स्व. सापकोटाले संस्था निर्माणमा खेलेको महत्वपूर्ण योगदानको कदर हुनुपर्ने उनकी धर्मपत्नी सीता सापकोटाले स्मरण गराईन् । स्व. सापकोटाको अधुरा काम र इच्छालाई पूरा गर्नुपर्ने उनको भनाइ थियो ।
संस्थाका निवर्तमान अध्यक्ष पुरुषोत्तम गौतम, मानबहादुर पाण्डे, विनोद पौडेल, शम्भु अधिकारी, चण्डिका धिताल, संगीता गौतम, प्रमिला गौतमलगायतले बोलेका थिए ।
- ADVERTISEMENT -
