चितवनमा अस्पतालको लापरवाहीले वृद्ध बेपत्ता, खोजीको लागि अपिल

चितवन / भरतपुर १०, बाइसपासरोड स्थित भरतपुर आँखा अस्पतालबाट एक वृद्ध बेपत्ता भएका छन् । बेपत्ता भएका ती वृद्ध भरतपुर ११, राइगंजका शमशेर तामाङ भएको खुल्न आएको छ ।
बेपत्ता भएका तामाङ दिउँसो ३ बजेदेखि अस्पताल परिसरबाटै हराएको हो । उनलाई उनकै घरबाट आँखा जाँचका लागि सोमबार अस्पतालकै स्वास्थ्यकर्मीहरुले सवारीसाधनमा लगेको उनका सुपुत्र सोमबहादुर तामाङले न्यूजप्रवाह डटकमलाई जानकारी दिए ।
आँखा अस्पतालकै एक नर्सले घरको मान्छे कोही पनि आउनु पर्दैन बुबालाई बेलुका हामी घर नै पुर्याउन आउँछु भनेको उनले बताए । उनका अनुसार बुबा र आमालाई स्वास्थ्यकर्मीको टोलीले सँगै लगेको हो ।
अस्पतालले आमाको बीमा कार्ड भएकोले उपचार सहज भएको र बुबाको बीमा कार्ड नभएकाले एकछिन बाहिरतिर चौतारामा बस्न लगाएको उनको भनाइ छ । घरबाट हामी पनि जान्छु भन्दै गर्दा पर्दैन भनेर रोक लगाएको उनले भने । उनले अस्पतालको लापरवाहीले मान्छे बेपत्ता भएको आरोप लगाए ।
सोमबहादुरका अनुसार बेपत्ता वृद्ध सोमबार राति ९ बजेदेखि बिहान ५ बजेसम्म गैंडाकोटको कांग्रेसचोकको प्रतीक्षालयमा स्थानीय एक चटपट ब्यापारीले देखेको हो ।
बेपत्ता तामाङको चारैतर्फ खोजी जारी रहे पनि हालसम्म नभेटिएको र पुलिसमा पनि खबर गरी सकिएको उनले भने । कहीँ कतै कसैले देख्नु वा भेट्नु भएमा नजिकको प्रहरी कार्यालय वा फोन नं. ९८१८२३१९९० वा ९८६५३८१५४९ सम्पर्क गरी दिनुहुन उनले सबैलाई अपिल गरेका छन् ।