मोटरसाइकल दुर्घटनामा दुई जनाको मृत्यु

सप्तरी / सप्तरीको सप्तकोशी नगरपालिकामा दुई वटा मोटरसाइकल एक आपसमा ठोक्किदामा दुई जनाको मृत्यु भएको छ । सप्तकोशी नगरपालिका वडा नम्बर ४ तुलसी टोलस्थित कञ्चनपुर–फतेपुर सडक खण्डमा स.५प ३११८ र को. २२ प १५५८ नम्बरको मोटरसाइकल एकापसमा ठोक्किएर दुर्घटना हुँदा दुई जनाको मृत्यु भएको सप्तरी प्रहरीले जनाएको छ ।
प्रहरीका अनुसार, दुर्घटनामा परेर स ५प ३११८ नम्बरको मोटरसाइकल चालक कञ्चनरुप नगरपालिका वडा नं. ७ का सुभास बस्नेत र को. २२ प १५५८ नम्बरको मोटरसाइकल चालक उदयपुरको चौदण्डीगढी नगरपालिका–९ भिमा टोलका २८ वर्षीय हरिशंकर चौधरीको मृत्यु भएको हो । दुवैको उपचारको क्रममा बिराटनगरमा मृत्यु भएको हो ।
दुर्घटनामा मृतक बस्नेतकी पत्नी ममता सापकोटा, उनका ८ वर्षीय छोरा सम्मर बस्नेत, एक वर्षीया छोरी सिम्रिका बस्नेत घाइते भएका छन् ।चौधरीको मोटरसाइकलमा सवार सप्तरीको सप्तकोशी नगरपालिका वडा नम्बर ९ बस्ने ३५ वर्षीय रोहित चौधरी पनि घाइते भएको र उनीहरुको स्थानीय स्तरमा उपचार भइरहेको प्रहरीले जनाएको छ । दुर्घटनामा परेका दुवै मोटरसाइकल नियन्त्रणमा लिएको र उक्त घटनाको विषयमा आवश्यक अनुसन्धान भइरहेको छ ।