पुस्तक तथा स्टेसनरी महाधिवेशन : चितवनका ५ व्यवसायी निर्वाचित

सौराहा / नेपाल पुस्तक तथा स्टेसनरी व्यवसायी महासंघको अधिवेशनमा चितवन जिल्लातर्फबाट ५ जना व्यवसायी केन्द्रीय तहमा निर्वाचित भएका छन् ।
चितवनको सौराहामा बिहीबार सम्पन्न महासंघको छैटौं राष्ट्रिय अधिवेशनबाट उपाध्यक्ष पदमा पुष्पाञ्जली पुस्तक पसल नारायणगढका किरणकुमार खनाल, स्टेसनरीतर्फ खुला केन्द्रीय सदस्य पदमा मास्के पुस्तक भण्डारका सरोज मास्के, खुला केन्द्रीय सदस्य पदमा अफिस होलसेल तथा स्टेसनरी नारायणगढका राजेन्द्र तिवारी, महिला सदस्य पदमा ॐ शुभम स्टेसनरी भरतपुरकी कोपिला गिरि र लेखा सदस्य पदमा युनिक बुक्स एण्ड स्टेसनरी भरतपुरका बुद्धिसागर कँडेल निर्वाचित भएका छन् ।
महासंघको अध्यक्षमा सञ्जयकुमार चौधरी (कैलाली) निर्वाचित भएका छन् । महासंघको छैटौं अधिवेशनबाट चौधरी भारी मतका साथ विजयी भएका हुन् ।