चितवन राप्ती ११ का २०० जनालाई ज्याकेट प्रदान

–युवक तामाङ
चितवन / राप्ती नगरपालिका वडा नं ११ का वृद्धवृद्धा, अपाङ्ग तथा एकल महिलालाई ज्याकेट वितरण गरिएको छ । वडा नं ११ का दुई सय जना वृद्धवृद्धा, अपाङ्ग तथा एकल महिलालाई जाडोको समय राहत स्वरुप आइतबार ज्याकेट वितरण गरिएको हो । ज्याकेट पाउने सबै सामाजिक सुरक्षा भत्ता पाइराखेका हुन् ।
हिमालय लिडरशिप विकास केन्द्र जिरिको आयोजना भएको उक्त कार्यक्रम सोही वडाका चिउरिटार, आपपानी र थाकलटारमा ज्याकेट वितरण गरिएको हो ।
नेपाल कम्युनिष्ट पार्टी एमालेका जिल्ला सदस्य तथा समाजसेवी श्री सोमीलाल तामाङ र रुपक तामाङको विशेष पहलमा ज्याकेट वितरण गरिएको हो । कार्यक्रममा बोल्दै एमालेका जिल्ला सदस्य तामाङले ज्याकेट वितरणले बृद्ध बृद्धा, अपाङ्ग तथा एक्कल महिलाहरु लाभान्वित भएको बताए । आगामी दिनमा अझै अशक्त र पीडितलाई राहतको लागि पहल गरिने उनको भनाइ थियो ।
हिमालय लिडरशिप विकास केन्द्रका सल्लाहकार तथा राप्ती जिरी वडा नं. ९ का वडाध्यक्ष श्री ज्ञानबहादुर सुनुवारले राप्ती ११ का विद्यालय तथा स्वस्थ्य केन्द्रहरुलाई आवश्यक स्टेशनरी तथा स्वस्थ सामग्रीहरु उपलब्ध गरिने बताए ।
सोही अवसरमा मार्ताल आधारभुत विद्यालयका प्रअ गोमनसिङ लामा, आपपानी विद्यालयका प्रअ गोविराज घलान, थाकलटार टोल सुधार समितिका अध्यक्ष श्री धर्मराज लामा लगायतले सहयोगी हातहरुलाई विशेष धन्यवाद व्यक्त गरेका थिए ।
कार्यक्रममा हिमालय लिडरशिप केन्द्रका प्रमुख कार्यकारी अधिकृत अभय ईश्वर सुनुवार, संचालक सदस्य रमेश सुनुवार, राजु सुनुवार, स्थानीय जनप्रतिनिधिहरु साथै अन्य सामाजिक व्यक्तित्वहरुको उपस्थिति रहेको थियो ।
ज्याकेट प्राप्त गरे पश्चात बृद्धबृद्धा, अपाङ्ग तथा एकल महिलाहरुको मुहारमा खुशी छाएको थियो भने उनीहरुले नाच्दै, गाउँदै खुशी ब्यक्त गरेका थिए ।