भरतपुरमा जन्मिने छोरीलाई निःशुल्क बीमा, ७ हजार लिटरसम्म निःशुल्क खानेपानी

चितवन / भरतपुर महानगरपालिकाको नवनिर्वाचित प्रमुख रेनु दाहालले पदभार ग्रहण गरेकी छन् । पदभार ग्रहण गर्दै प्रम्ुख दाहालले दुई वटा महत्वपुर्ण निर्णय गर्नु भएको बताएकी छन् ।
उनले अब भरतपुरमा जन्मिने छोरीलाई निःशुल्क बीमा गरिने पहिलो निर्णय गरिन् भने भरतपुरभित्र ७ हजार लिटरसम्म खानेपानी उपभोग गर्ने ग्राहकलाई निःशुल्क गरिने बताइन् ।
महानगरबाट छोरीलाई गरिने बीमा रु एक लाखको १५ वर्ष अवधिको हुनेछ । त्यस्तै ७ हजार लिटरसम्म पिउने पानीको कुनै पनि शुल्क लाग्ने छैन । त्यस्तै महानगर प्रमुख दाहालले अबको २ वर्षभित्र भरतपुरको चौकी डाँडादेखि गोलाघाटसम्म खानेपानीको पहुँच पुग्ने बताइन् ।