चितवनमा ट्रकको ठक्करबाट साईकल यात्रीको मृत्यु

चितवन / रत्ननगरमा ट्रकको ठक्करबाट साईकल यात्रीको मृत्यु भएको छ । शनिबार बिहान ४ः५५ बजेको समयमा रत्ननगर नगरपालिका वडा नम्बर ९ गणेश चोक नजिकै टाडीबाट भरतपुरतर्फ जादै गरेको ना ४ ख २७४८ न.को ट्रकले ठक्कर दिँदा रत्ननगर नगरपालिका १० का ३७ बर्षिय उमेश दराईको मृत्य भएको हो ।
उक्त ट्रकको ठक्करबाट गम्भिर घाइते भएका दराईको उपचारको लागि भरतपुर अस्पताल लगिएको थियो, उनको ०५ः४० वजेको समयमा उपचारको क्रममा मृत्यु भएको जिल्ला प्रहरी कार्यालय चितवनले जनाएको छ । दराईलाई ठक्कर दिने ट्रक फरार रहेको थियो । सोही दुर्घटनाको बिषयलाई लिएर स्थानियले ट्रकलाई नियन्त्रणमा नलिए सम्म बाटो अबरोध समेत गरेका थिए ।
ट्रक चालक मकवानपुर हेटौडा उप महानगरपलिका वडा नम्बर १४ का बर्ष ४५ को धावा थोकरलाई ट्रक सहित नियन्त्रणमा लिई जिल्ला प्रहरी कार्यालय, चितवनमा राखिएको छ । ट्रक चालक सहित नियन्त्रणमा लिएपछी बाटोको अवरोध हटाई दुईतर्फी सुचारु भएको प्रहरीले जनाएको छ ।