गैंडाकोटकी एक युवती २६ लाख ठगी गरेको आरोपमा पक्राउ

भरतपुर / प्रेमको नाटक गरेर विवाहित पुरुषसँग २५ लाख बढी रुपैयाँ ठगी गर्ने एक युवती पक्राउ परेकी छन् । करिब एक वर्ष अगाडिदेखि पीडित पुरुषले दिएको उजुरीको आधारमा पाँच दिन अगाडि पक्राउ गरेको जिल्ला प्रहरी कार्यालय चितवनले जनाएको छ ।
कार्यालयका अनुसार पक्राउ पर्नेमा गैंडाकोट नगरपालिका वडा नम्बर ११ की २६ वर्षीया सम्भावी पौडेल हुन् । चितवन प्रहरी प्रवक्ता नरहरि अधिकारीका अनुसार फेसबुक आईडीबाट चिनजान गरी प्रेम सम्बन्ध बढाएर ठगी गरेकी हुन् । भरतपुरका एक पुरुषबाट उनले २६ लाख ४५ हजार ७०० रूपैयाँ लिएकी प्रवक्ता अधिकारीले जानकारी दिए ।