पारिवारिक विवादमा एकै परिवारका तीनसहित १० जनाको मृत्यु

काठमाडौं / पारिवारिक विवादका कारण एकै परिवारका ३ सहित १० जनाको ज्यान गएको छ । मोन्टेनेग्रोको सेन्टिज सहरमा पारिवारिक विवादका कारण १० जनाको ज्यान गएको हो ।
बीबीसीका अनुसार पारिवारिक विवादका क्रममा एक ३४ वर्षीय बन्धुकधारीले एकै घरका तीन जनाको हत्या गरेका हुन् भने उनले सोही हतियारको प्रयोग गरी स्थानीय सात जना व्यक्तिको समेत हत्या गरेका छन् ।
हतियारसहित आक्रमणमा उत्रिएका ती व्यक्तिलाई एक सर्वसाधारणले गोली हानी हत्या गरेका छन् । त्यसपछि मात्रै आक्रमणको सिलसिला रोकिएको थियो । ती व्यक्तिले घटना गराउनुको कारण भने नखुलेको अन्तर्राष्ट्रिय सञ्चार माध्यमले जनाएका छन् ।