नहरमा खस्दा ६ वर्षीया बालिकाको मृत्यु

चितवन / चितवनको रत्ननगरमा नहरमा खस्दा एक बालिकाको मृत्युु भएको छ । रत्ननगर १६ एकता टोल बस्ने ६ वर्षकी संस्कृती केसीको मृत्युु भएको हो ।
घर अगाडि खेल्ने क्रममा घर नजिकै रहेको सिचाईको नहरमा खस्दा बगाएको थियो । खोजतलास गर्ने क्रममा अन्दाजी ३ कि.मि.टाढा सेवाकेन्द्र टोल नजिकै अचेत अवस्थामा फेला पारी तत्काल उपचारको लागि स्थानीय गुञ्जमानसिंह अस्पताल लगिएकोमा डाक्टरले मृत घोषणा गरेको ईलाका प्रहरी कार्यालय, टाँडीले जनाएको छ।
मुचुल्का सहितको अनुसन्धान टोली गएर घटनास्थल तथा लास जाँच मुचुल्का तयार गरि शव पोष्टमार्टमको लागि भरतपुर सरकारी अस्पताल पठाईएको चितवन प्रहरीले जानकारी दिएको छ ।