पत्रकार महासंघको कल्याणकारी कोषका लागि १ लाख सहयोग

चितवन / नेपाल पत्रकार महासंघ चितवन शाखाको कल्याणकारी कोषका लागि रु १ लाख सहयोग प्राप्त भएको छ । पूर्व संञ्चारकर्मी बिष्णु सापकोटा(प्रभात)ले महासंघका अध्यक्ष नारायणप्रसाद अधिकारीलाई कल्याणकारी कोषका लागि रु १ लाखको चेक सोमबार हस्तान्तरण गरेको हो ।
सापकोटा बिगत १५ वर्षदेखि अष्ट्रेलिया बस्दै आएको र सन २०१९ मा महासंघलाई दिने भनेको रकम आज एक कार्यक्रमका बिच महासंघकै सभाहलमा हस्तान्तरण गरेका हुन् ।
मल्ट्रिड्राइनामी रियलस्ट्रेट सञ्चालन गर्दै आएका प्रभातले सन २०१७ देखि रियलस्ट्रेटको काम सुरु गरेको हो । उनीसहित ३ जना नेपाली मिलेर यो काम सुरु गरेका सापकोटाले अहिलेसम्म दुई हजारभन्दा बढीलाई सेवा दिईसकेका छन् । अष्ट्रेलिया गएर पढ्ने विद्यार्थीहरुलाई घर भाडामा दिनेदेखि बिक्रि गर्नेसम्मका काम यस कम्पनीले गर्दै आएको छ ।
रु ५ लाख देखि २५ लाख सम्ममा घर बिक्रि गर्ने गरेको उनले जानकारी दिए । पत्रकारहरुको कल्याणका लागि खोलिएको सो कोषमा रकम हसतान्तरण गर्दै उनले सबै मिलेर काम गर्न सके सफलता मिल्ने बताए ।
कार्यक्रममा बोल्दै नेपाल पत्रकार महासंघ चितवन शाखाका अध्यक्ष नारायणप्रसाद अधिकारीले महासंघले निर्माण गर्न लागेको तालिम केन्द्रका लागि समेत सहयोग गर्न आग्रह गरे ।