‘सत्तागठबन्धनका दलहरु सत्ता स्वार्थमा लागेका छन्’

चितवन / राष्ट्रिय प्रजातान्त्रिक महिला संगठन महानगर कार्यसमितिले तीज कार्यक्रम र प्रशिक्षण कार्यक्रम गरेको छ । चनौलीमा भएको कार्यक्रममा महिला सशक्तिकरण गर्नुपर्नेमा वक्ताहरुले जोड दिएका छन् । तीजको महिमा र मौलिकता जगेर्नाका लागि स्थानीयतहबाटै जागरण ल्याउनुपर्नेमा जोड दिएका छन् ।
आसन्न चुनावमा राप्रपाको पक्षमा जनलहर ल्याउन पार्टीका एजेण्डाहरु जनताको घरदैलोमा पु¥याउनुपर्नेमा जोड दिएका छन् ।
राप्रपाका सहमहामन्त्री तथा प्रदेश सांसद रिना गुरुङले सत्तागठबन्धनका दलहरु सत्ता स्वार्थमा लागेको बताउनुभयो । उहाँले जनताका समस्याहरु सम्बोधन गर्न छाडेर चुनावमा कसरी जित्न सकिन्छ भन्नेमा केन्द्रीत बनेको आरोप लगाउनुभयो । उहाँले जनमैत्री सरकार बनाउदै जनचाहना अनुसारका काम तथा विकासलाई गती दिन राप्रपानै उपयुक्त दल रहेको बताउनुभयो ।
कार्यक्रममा राप्रपा केन्द्रीय सदस्य मिना न्यौपाने, बागमती प्रदेश सचिव ज्ञानजंग लामा, राप्रपा जिल्ला उपाध्यक्ष जिवलाल पुरी, महानगर अध्यक्ष दिपक थापा, क्षेत्र नम्बर २ का अध्यक्ष बलराम खनाल लागायतले प्रशिक्षण दिनुभएको थियो । कार्यक्रम महिला संगठन भरतपुर महानगरका अध्यक्ष संगीता थापामगरको अध्यक्षतामा भएको थियो ।