दुई महिनामा भित्रियो १९ करोडको प्याज

काठमाडौं / चालु आर्थिक वर्ष २०७९÷८० को पहिलो २ महिनामा नेपालमा १९ करोड रुपैयाँ बराबरको प्याज भित्रिएको छ । भन्सार विभागले दिएको जानकारीअनुसार, साउन र भदौको अवधिमा उक्त मूल्य बराबरको प्याज भित्रिएको हो ।
यस अवधिमा भारतबाट ४९ लाख २८ हजार किलोग्राम र चीनबाट २१ हजार १०० किलोग्राम प्याज भित्रिएको छ । विभागले यी दुई मुलुकमध्ये भारतबाट सबैभन्दा धेरै प्याज भित्रिएको देखाएको छ ।
भारतबाट ११ करोड ६६ लाख रुपैयाँ र चीनबाट ७५ लाख रुपैयाँ बराबरको प्याज आयात भएको छ । यस्तै, चालु वर्षको २ महिनाको अवधिमा नेपालबाट कतारतर्फ प्याज निर्यात समेत भएको छ । यस अवधिमा ८२ हजार रुपैयाँ बराबरको ५५० किलोग्राम प्याज निर्यात भएको छ ।