भरतपुर २२ मा नेकपा एसको क्षेत्रीय भेला सम्पन्न, गठबन्धनका उमेदवारलाई विजयी गराउन आग्रह

चितवन / नेपाल कम्युनिष्ट पार्टी (एकीकृत समाजवादी) चितवनको निर्वाचन क्षेत्र न. ३ क्षेत्रीय कमिटी भेला बिहीबार भरतपुर वडा नं. २२, पटिहानीको धनौजीमा सम्पन्न भएको छ ।
भेलामा नेपाल कम्युनिष्ट पार्टी एकीकृत समाजवादी चितवन जिल्ला उपाध्यक्ष अरुण पीडित भण्डारीले आगामी मंसिर ४ गते हुने प्रतिनिधि तथा प्रदेश सभा निर्वाचनका लागि गठबन्धनका उमेदवारलाई विजय गराउन एकजुट भएर लाग्नुपर्ने बताए ।
क्षेत्र न. ३ का इन्चार्ज तथा जिल्ला निर्वाचन परिचालन कमिटीका संयोजक समेत रहेका भण्डारीले पार्टीको परिपत्र वितरण गर्दै कार्यान्वयनका लागि सबैलाई संगठित हुन आग्रह गरे ।
भेलामा सम्पूर्ण पार्टी परिचालन गरी चुनाव चिन्ह कलम संवाहक उमेदवारलाई विजय गराउन एकमना र एकताकासाथ संकल्पित भई अघि बढ्न सबै जनसमुदायलाई आग्रह गरिएको थियो ।
भरतपुर महानगरपालिका वडा न. २२ का वडा अध्यक्ष बिष्णुराज महतो, पार्टीका स्थानीय नेता अशोक थापा, कृष्णराज न्यौपाने (लब्ली), नारदमणी भण्डारी, कुलप्रसाद लामिछाने, कल्पना सापकोटालगायतले धारणा राखेका थिए ।
मंसिर ४ गते प्रतिनिधि तथा प्रदेश सभा निर्वाचनका लागि विष्णुराज महतोको संयोजकत्वमा सहसंयोजक हरि अधिकारी, सहसचिव टिकादत्त तिमिल्सिनाको चुनाव प्रचार समिति गठन भएको छ । यस्तै सदस्यहरुमा बबिलाल तामाङ, सरस्वती तामाङ, रामु आचार्य, विशाल आले, डिलकुमारी नेपाल रहेका छन् ।
भेला नेपाल कम्युनिष्ट पार्टी एकीकृत समाजवादी चितवन जिल्ला उपाध्यक्ष अरुण पीडित भण्डारीको अध्यक्षतामा सम्पन्न भएको थियो ।