नवलपुरमा बस दुर्घटना हुँदा पाँच जनाको मृत्यु

नवलपरासी / नवलपरासी पूर्व नवलपुरमा आज (आइतबार) बिहानै बस दुर्घटना हुँदा पाँच जनाको मृत्यु भएको छ । पाल्पाबाट गोरखाको मनकामनाका दर्शन गर्नका लागि तिर्थालु बोकेको ना ६ ख ७५८० नम्वरको बस दुर्घटना हुँदा पाँच जनाको मृत्यु भएको प्रहरीले जनाएको छ ।
प्रहरीका अनुसार, दुर्घटनामा २५ जना घाइते भएका छन् । हाल घाइतेको उद्धार भइरहेको नवलपरासी पूर्वका प्रहरीले जनाएको छ ।
उक्त बस आज बिहान ४ बजे दुर्घटना भएको प्रहरीले जनाएको छ । दुर्घटनाका घाइतेलाई उद्धार गरी उपचारका लागि चितवन ल्याइएको छ । घटनाको बारेमा आवश्यक अनुसन्धान भइरहेको प्रहरीले जनाएको छ ।