गठबन्धनको विरुद्धमा लाग्ने चार जनालाई कांग्रेसको कारबाही

काठमाडौं / नेपाली कांग्रेसको अनुशासन आयोगले थप चार जनालाई कारबाही गरेको छ । कांग्रेसको अनुशासन आयोगका संयोजक आनन्दप्रसाद ढुंगानाले विज्ञप्ति जारी गर्दै थप दुई जनालाई ५ वर्षका लागि पार्टीको सदस्यता समेत नरहने गरी पार्टीको अभिलेखबाट हटाउन निर्देश दिएका हुन् ।
कांग्रसले कारबाही गरेकामा उदयपुरका रामकुमार राई, मीनकुमार दाहाल, जयप्रसाद सुवेदी र भरत कार्की रहेका छन् । कारबाहीमा परेकाहरू गठबन्धनको निर्णय विपरीत उम्मेदवार र प्रस्तावक रहेका छन् । यसअघि मंगलबाार कांग्रेसले ७४ जना बागी उम्मेदवारलाई कारबाही गरेको थियो ।