करेन्ट सर्ट भई घरमा आगलागी, ७ लाखको धनमाल क्षति

मकवानपुर / मकवानपुरमा विद्युत करेन्ट सर्ट भई एक घरमा आगलागी भएको छ । हेटौंडा उपमहानगरपालिका–१४, मयुरधापमा हिजो (बिहीबार) राति साढे ११ बजे करेन्ट सट भई आगलागी भएको जिल्ला प्रहरी कार्यालय मकवानपुरले जनाएको छ ।
मकवानपुरका प्रहरी नायव उपरीक्षक टेकबहादुर कार्कीका अनुसार स्थानीय ६० वर्षीय सुनकुमार तामाङको घरमा अचानक करेन्ट सर्ट भई आगोलागी भएको हो ।
आगोलागीबाट चौपया १ वटा गाईको अनुहार डढेको, अन्नपात (मकै, धान र चामल) लगायत तामाङको घर नजिकै रहेको जस्ताको छानो भएको गोठ पूर्ण रुपमा नष्ट हुँदा ७ लाख रुपैयाँ बराबरको धनजनको क्षति भएको प्रनाउ काकीले जानकारी दिए ।
दमकल, प्रहरी र स्थानीयको सहयोगमा राति १२ बजेर ५ मिनेटको समयमा आगो पूर्ण रुपमा नियन्त्रणमा आएको थियो । आगलागी भएको देखेपछि घरधनी सुनकुमार तामाङ बेहोस भई उपचारको लागि हेटौंडा अस्पताल पठाइएको बताइएको छ ।