चितवनमा नदीजन्य पदार्थ उत्खनन् गर्ने ६ टिप्पर नियन्त्रणमा

चितवन / नदीजन्य पदार्थ उत्खनन् गर्ने एउटा जेसीबीसहित ६ टिप्परलाई प्रहरीले नियन्त्रणमा लिएको छ । खैरहनी र रत्ननगरका विभिन्न खोलाबाट अवैध रुपमा नदीजन्य पदार्थ उत्खनन् गर्ने एउटा जेसीबीसहित ६ टिप्परलाई नियन्त्रणमा लिएको हो ।
प्रहरीका अनुसार खैरहनी नगरपालिका वडा नम्बर ३ बाट अवैध रुपमा नदीजन्य पदार्थ उत्खनन् गरिरहेको अवस्थामा एउटा जेसीबीसहित चार वटा टिप्परलाई नियन्त्रणमा लिएको हो । साथै वडा नं १ बाट ५०७ घनमिटर र वडा नम्बर ३ बाट १२४ घनमिटर नदिजन्य पदार्थ बरामद गरिएको जिल्ला प्रहरी कार्यालय चितवनले जनाएको छ ।
इलाका प्रहरी कार्यालय खैरहनीबाट खटिएको टोलीले बा १ क ६०३६ नम्बरको जेसीबी तथा ग २ ख ९३४, ना ८ ख २९३४, ना ७ ख २६७३ र ना ८ ख ६२७१ नम्बरको टिप्परलाई नियन्त्रणमा लिई आवश्यक कारवाहीको लागि खैरहनी नगरपालिका पठाइएको हो ।
त्यसैगरी ईलाका प्रहरी कार्यालय टाँडीबाट खटिएको प्रहरीको टोलीले रत्ननगर नगरपालिका वडा नं ३ बाट अबैध रुपमा नदीजन्य पदार्थ उत्खनन गरिरहेको अवस्थामा ना ८ ख १४९४ र ना ८ ख ५९५३ नम्बरको टिप्परलाई नियन्त्रणमा लिई आवश्यक कारवाहीको लागि रत्ननगर नगरपालिका पठाइएको जनाइएको छ ।