बाघदेवी सामुदायिक वनको अध्यक्षमा चौधरी निर्वाचित

–राजेश रुम्बा तामाङ
चितवन (राप्ती) । श्री बाघदेवी सामुदायिक वन उपभोक्ता समूह राप्ति–७ को अध्यक्षमा शिवनारायन चौधरी निर्वाचित भएका छन् । शुक्रबार सम्पन्न भएको श्री बाघदेवी सामुदायिक वन उपभोक्ता समूहको निर्वाचनबाट चौधरी अध्यक्षमा निर्वाचित भएका हुन् ।
प्रतिद्वन्द्वी मन्जा तामाङलाई २४५ मतको अन्तरले पराजित गर्दै अध्यक्षमा चौधरी निर्वाचित भएका छन् । चौधरीले ५३६ मत र तामाङले २९१ मत प्राप्त गरेका थिए । त्यसैगरी अर्का प्रतिस्पर्धी पाओल रानाले १५६ मत प्राप्त गरेका थिए ।
यस्तै कोषाध्यक्षमा सम्झन थापाले ३४१ मत प्रप्त गरेर विजय भइन् । उनका निक्ट्तम प्रतिद्धन्द्धी आकृति गुरुङले २१२ मत प्राप्त गर्दा अर्क प्रतिद्धन्द्धी मोनिका तामाङले १४४ मत मात्र प्राप्त गरेका हुन् । क्षेत्रगत सदस्यमा चान्दनी थापा जुनु राना, दुर्गा राना कोपिला सापकोटा विजयी भएका छन् ।
यसअघि सचिवमा सुभद्रा चौधरी, उपाध्यक्षमा वीरबहादुर रुम्बा तामाङ निर्विरोध भइसकेकोले यहीँ नयाँ कार्यसमितिले सहसचिवमा कुनै एक महिला सदस्यलाई चयन गरिनेछ ।
दलित वा सिमान्तकृत समुदायको कोटामा रहेको सहसचिव पद कुनै दलित वा सिमानत्कृत समुदायबाट दावी नपरेपछि यहीँ कार्यसमितिले चयन गरिने कार्यालय सचिव अग्निधर कंडेलले जानकारी दिए । १४ सय बढी सदस्य रहेका समुहको निर्वाचनमा ९०% भन्दा बढी मत खसेका थिए ।
समुहको १५ सदस्य कार्यसमिति रहनेछ ।