दुई वटा मालबाहक कन्टेनर प्रहरीको नियन्त्रणमा

चितवन / भरतपुर महानगरपालिका वडा नं. १० मालपोतचोक स्थित बाइपास सडक खण्डमा दुई वटा मालवाहक कन्टेनरलाई प्रहरीले नियन्त्रणमा लिएको छ । ती कन्टेनरले बिल बिजकभन्दा बढीको लत्ताकपडा लगायतका विभिन्न खुद्रा सामानहरू ल्याउँदै गरेको अवस्थामा बुधबार नियन्त्रणमा लिएको जिल्ला प्रहरी चितवनले जनाएको छ ।
चितवन प्रहरी प्रवक्ता विजयराज पण्डितका अनुसार पूर्वबाट चितवनतर्फ आउदै गरेका ना३ख ५२५० र ना३ख ७६५६ नं.को भाडा कन्टेनर (ट्रक) हरु पक्राउ गरिएको हो । उक्त ट्रक खानतलासी र प्रारम्भिक अनुसन्धानबाट बिल बिजक भन्दा बढी सामान भएको खुल्न आएको प्रहरीको भनाइ छ ।
नियन्त्रणमा लिइएको कन्टेनरहरुलाई आवश्यक कार्वाहीको लागि राजश्व अनुसन्धान विभाग हरिहर भवन, ललितपुर पठाइएको प्रवक्ता पण्डितले बताए ।