भरतपुरको कालिकाचोकमा एक युवती मृत फेला

चितवन / भरतपुर–१० स्थित कालिकाचोकमा डेरा गरी बस्दै आएकी एक युवती मृत भेटिएकी छिन् । भारत आसाम घर भएकी १९ वर्षीय सुनितादेवी चापागाईँ मृतअवस्थामा फेला परेको जिल्ला प्रहरी कार्यालय चितवनले जनाएको छ ।
प्रहरीको प्रारम्भिक अनुसन्धानका क्रममा घटनाको प्रकृति हेर्दा आत्महत्या गरेको हुन सक्ने अनुमान गरिएको छ । घटनाबारे थप अनुसन्धान भइरहेको चितवन प्रहरी प्रवक्ता विजयराज पण्डितले जानकारी दिए ।
प्रहरीका अनुसार बुधबार राति फ्ल्याटमा २ जना युवती र २ युवक सँगसँगै बसेको र उनीहरुका बीचमा झैझगडा हुँदा एक युवती झुण्डिएको हो ।
घटनामा सँगै रहेका तीन जनालाई प्रहरीले पक्राउ गरी आवश्यक अनुसन्धान भइहेको छ भने मृतकको शव पोष्टमार्टमका लागि भरतपुर अस्पतालमा राखिएको बताइएको छ ।