चितवन–२ अपडेट : रास्वपाका लामिछाने इतिहास रच्दै, ४० हजार बढी मत

चितवन / नेपालकै इतिहासमा फराकिलो मतान्तरले राष्ट्रिय स्वतन्त्र पार्टीका सभापति तथा उमेदवार रवि लामिछानेले निकटतम प्रतिस्पर्धी हराउने पक्का भएको छ । प्रतिनिधिसभाको उपनिर्वाचनअन्तर्गत चितवन क्षेत्र नम्बर २ मा उम्मेदवार लामिछानेले मतान्तरलाई झनै फराकिलो बनाउँदै लगेका छन् ।
निर्वाचन आयोगको पछिल्लो तथ्यांकअनुसार लामिछाने ४० हजार बढी मतान्तरले अघि छन् । पछिल्लो गणना अनुसार ५६ हजार ५०७ मत गणना हुँदा लामिछानेले ४० हजार ६९ मत प्राप्त गरेका छन् । उनका निकटम प्रतिस्पर्धी नेपाली कांग्रेसका जितनारायण श्रेष्ठले सात हजार ४५८ मत पाएका छन् ।
त्यस्तै, तेस्रो स्थानमा रहेका नेकपा एमालेका रामप्रसाद न्यौपानेले ७ हजार २६७ मत पाएका छन् । चितवन २ मा अहिले मतगणना जारी छ । यसअघिको प्रतिनिधि सभा सदस्य निर्वाचनमा लामिछाने ३४ हजार मतान्तरले विजयी भएका थिए ।