बालबालिकालाई काम लगाउने तीन होटल कारबाहीमा

मकवानपुर / श्रम कार्यालय, हेटौंडाले तीन वटा होटललाई जरिवानासहित कारबाही गरेको छ । श्रम कार्यालयले बालबालिकालाई श्रमिकका रुपमा काम लगाएकाले उक्त होटललाई कारबाही गरिएको हो ।
हेटौंडा उपमहानगरपालिकालाई बालमैत्री स्थानीय तह घोषणाको तयारी भइरहेका बेला तीन वटा होटल कारबाहीमा परेको हो । हेटौंडा उपमहानगरपालिका १० स्थित बसपार्क क्षेत्रमा संचालित ती होटलले बालबालिकालाई श्रमिकका रूपमा प्रयोग गरेको पाइएको हो ।
कारबाहीमा पर्ने होटलहरुमा धादिङ, डाँफे र गण्डकी होटल रहेका छन् । श्रम कार्यालयले कानून विपरीत बालबालिकालाई श्रममा लगाउने धादिङ होटललाई ७ हजार, डाँफे होटल र गण्डकी होटललाई ३÷३ हजार रुपियाँ जरिवाना गरेको हो ।
श्रम कार्यालय, हेटौंडाका अनुसार वाटिङ होटलले ११ वर्षीय बालिका डाँफेले १५ वर्षीय बालक र गण्डकीले १६ वर्षीय बालिकालाई श्रममा लगाएको पाइएको हो ।