आजको मौसम : तीन स्थानमा हल्का वर्षाको सम्भावना

काठमाडौं / मौसम पूर्वानुमान महाशाखाले हाल देशमा पश्चिमी वायुको साथै स्थानीय वायुको सामान्य प्रभाव रहेको जनाएको छ । जसको प्रभावले हाल देशभर आंशिकदेखि सामान्य बदली रहेको छ ।
आज (बिहीबार) दिउँसो कोशी, बागमती, गण्डकी प्रदेशका केही स्थानहरूमा तथा बाँकी प्रदेशका पहाडी भू–भागमा चट्याङसहित हल्का वर्षाको सम्भावना रहेको छ ।
यस्तै, आज राति भने कोशी प्रदेशका थोरै स्थानहरूमा र गण्डकी प्रदेशका पहाडी भू–भागका एक÷दुई स्थानमा चट्याङसहित क्षणिक वर्षाको संभावना रहेको महाशाखाले जनाएको छ ।